Ang Huli....

Sa aking pansamantalang pagkariwara
Sa mundong sarili kong katha
Sana sa pagbabalik, galak at tuwa
Sa akin ay maging sagala

Sa dilim ng aking kinalagyan
Mga impit kong dalangin
Sa Kanya ko ipinarating
Mga usal kong adhikain
Sa Kanya ko na ipinalilim.

Ningas ko man ay panandaliang nanamlay
Munting baga ay nanatiling buhay
At sa aking pagnilay-nilay
Pag-aalabin muli apoy na aking taglay
Bagong Pag-asa aking pinapanday.

Sana akda kong ito ay hindi ang huli
Datapwat naisin mang manatili
May mga bagay na di pwedeng Itali
At ang tangi ko lang masasabi
Salamat sa lahat na sa tabi
ko ay nanatili...