Aik Ghazal AP ki basarton ki nazer ,'' حقیقت تلخ ہی تھی، وہ فسانہ چاہتا ہو گا '' Haqeeqat talkh hi thi, who fasana chahta ho ga ''

حقیقت تلخ ہی تھی، وہ فسانہ چاہتا ہو گا
سبھی کردار مرضی سے چلانا چاہتا ہو گا

عجب انداز اُس نے آزمانے کا بنایا ہے
مجھے سکھ دے کے بھی وہ آزمانا چاہتا ہو گا

ابھی پھولوں کی کلیاں راستے سے توڑ لایا ہے
کلی کو اب مسل کر گنگنانا چاہتا ہو گا

مجھے دے کر اذیت، پھر اُسے اٹھکیلیاں سوجھیں
بڑی کاٹی اُداسی، کھلکھلانا چاہتا ہو گا

مرے دشمن کو میرے سامنے جو گھر بلایا ہے
عدو کی پشت ہی تو تھپتھپانا چاہتا ہو گا

نئی الجھن نئی اک آزمائش لے کے آیا ہے
ذرا سی اوٹ میں وہ مسکرانا چاہتا ہو گا

تحمل پر مرے اظہر اُسے غصہ بھی آیا ہے
یونہی چلتے ہوئے وہ بُڑبُڑانا چاہتا ہو گا

Haqeeqat talkh hi thi, who fasana chahta ho ga
Sabhee kirdar marzi say chalana chahta ho ga

Ajab andaz us nay azmanay ka banaya hai
Mujhay sukh day kay bhi woh azmana chahta ho ga

Abhee phoolon ki kalian rastay say tor laya hai
Kali ko AB masl kar , gungunana chahta ho ga

Mujhay day kar aziat , phir usay athkailian soojhain
Baree kati udasi, khilkhilana chahta ho ga

Meray dushman ko meray samnay jog her bulaya hai
Aduv ki pusht hi to thapthapana chahta ho ga

Nai uljhan , nai ik azmaish lay kay aya hai
Zara si oat main who muskurana chahta ho ga

Tahamul per meray azhar usay ghussa bhi aya hai
Yunhi chaltay huay woh burburana chahta ho ga