MOTHER KI ILTAJA TOUCHY POEM

( ايک آزاد نظم )

بوڑھے ماں باپ کے حقوق کوئي قسمت والا ہي ادا کر سکتا ہے۔اکثر اوقات اولاد اپني غفلت اور ناداني سے اس سعادت سے محروم رہ جاتي ہے

۔اسي غفلت سے بچنے کي طرف توجہ دلانے کے لئے يہ نظم لکھي گئي ہے

۔اللہ تعاليٰ ہم سب کو والدين کے حقوق اور اپنے فرائض سمجھنے کي

توفيق دے آمين۔
-------------------------------------------------------------------------
ميرے بچو،گر تم مجھ کو بڑھاپے کے حال ميں ديکھو
اُکھڑي اُکھڑي چال ميں ديکھو
مشکل ماہ و سال ميں ديکھو
صبر يں ديکھو کا دامن تھامے رکھنا
کڑوا ہے يہ گھونٹ پہ چکھنا
’’اُف ‘‘ نہ کہنا،غصے کا اظہار نہ کرنا
ميرے دل پر وار نہ کرنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہاتھ مرے گر کمزوري سے کا نپ اٹھيں
اور کھانا،مجھ پر گر جائے تو
مجھ کو نفرت سے مت تکنا،لہجے کو بيزار نہ کرنا

بھول نہ جانا ان ہاتھوں سے تم نے کھانا کھانا سيکھا
جب تم کھانا ميرے کپڑوں اور ہاتھوں پر مل ديتے تھے
ميں تمہارا بوسہ لے کر ہنس ديتي تھي
کپڑوں کي تبديلي ميں گر دير لگا دوں يا تھک جاؤں
مجھ کو سُست اور کاہل کہہ کر ، اور مجھے بيمار نہ کرنا
بھول نہ جانا کتنے شوق سے تم کو رنگ برنگے کپڑے پہناتي تھي
اک اک دن ميں دس دس بار بدلواتي تھي
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ميرے يہ کمزور قدم گر جلدي جلدي اُٹھ نہ پائيں
ميرا ہاتھ پکڑ لينا تم ،تيز اپني رفتار نہ کرنا
بھول نہ جانا،ميري انگلي تھام کے تم نے پاؤں پاؤں چلنا سيکھا
ميري باہوں کے حلقے ميں گرنا اور سنبھلنا سيکھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جب ميں باتيں کرتے کرتے،رُک جاؤں ،خود کو دھراوں
ٹوٹا ربط پکڑ نہ پاؤں،يادِ ماضي ميں کھو جاؤں
آساني سے سمجھ نہ پاؤں،مجھ کو نرمي سے سمجھانا
مجھ سے مت بے کار اُلجھنا،مجھے سمجھنا
اکتاکر، گھبراکر مجھ کو ڈانٹ نہ دينا
دل کے کانچ کو پتھر مار کے کرچي کرچي بانٹ نہ دينا
بھول نہ جانا جب تم ننھے منے سے تھے
ايک کہاني سو سو بار سنا کرتے تھے
اور ميں کتني چاہت سے ہر بار سنا ياکرتي تھي
جو کچھ دھرانے کو کہتے،ميں دھرايا کرتي تھي
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اگر نہانے ميں مجھ سے سُستي ہو جائے
مجھ کو شرمندہ مت کرنا،يہ نہ کہنا آپ سے کتني بُو آتي ہے
بھول نہ جانا جب تم ننھے منے سے تھے اور نہانے سے چڑتے تھے
تم کو نہلانے کي خاطر
چڑيا گھر لے جانے ميں تم سے وعدہ کرتي تھي
کيسے کيسے حيلوں سے تم کو آمادہ کرتي تھي
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گر ميں جلدي سمجھ نہ پاؤں،وقت سے کچھ پيچھے رہ جاؤں
مجھ پر حيرت سے مت ہنسنا،اور کوئي فقرہ نہ کسنا
مجھ کو کچھ مہلت دے دينا شائد ميں کچھ سيکھ سکوں
بھول نہ جانا
ميں نے برسوں محنت کر کے تم کو کيا کيا سکھلايا تھا
کھانا پينا،چلنا پھرنا،ملنا جلنا،لکھنا پڑھنا
اور آنکھوں ميں آنکھيں ڈال کے اس دنيا کي ،آگے بڑھنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ميري کھانسي سُن کر گر تم سوتے سوتے جاگ اٹھوتو
مجھ کو تم جھڑکي نہ دينا
يہ نہ کہنا،جانے دن بھر کيا کيا کھاتي رہتي ہيں
اور راتوں کو کُھوں کھوں کر کے شور مچاتي رہتي ہيں
بھول نہ جاناميں نے کتني لمبي راتيں
تم کو اپني گود ميں لے کر ٹہل ٹہل کر کاٹي ہيں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گر ميں کھانا نہ کھاؤں تو تم مجھ کو مجبور نہ کرنا

جس شے کو جي چاہے ميرا اس کو مجھ سے دور نہ کرنا
پرہيزوں کي آڑ ميں ہر پل ميرا دل رنجور نہ کرنا
کس کا فرض ہے مجھ کو رکھنا
اس بارے ميں اک دوجے سے بحث نہ کرنا
آپس ميں بے کار نہ لڑنا
جس کو کچھ مجبوري ہو اس بھائي پر الزام نہ دھرنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گر ميں اک دن کہہ دوں عرشيؔ ، اب جينے کي چاہ نہيں ہے
يونہي بوجھ بني بيٹھي ہوں ،کوئي بھي ہمراہ نہيں ہے
تم مجھ پر ناراض نہ ہونا
جيون کا يہ راز سمجھنا
برسوں جيتے جيتے آخر ايسے دن بھي آ جاتے ہيں
جب جيون کي روح تو رخصت ہو جاتي ہے
سانس کي ڈوري رہ جاتي ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شائد کل تم جان سکو گے ،اس ماں کو پہچان سکو گے
گر چہ جيون کي اس دوڑ ميں ،ميں نے سب کچھ ہار ديا ہے
ليکن ،ميرے دامن ميں جو کچھ تھا تم پر وار ديا ہے
تم کو سچا پيار ديا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جب ميں مر جاؤں تو مجھ کو
ميرے پيارے رب کي جانب چپکے سے سرکا دينا
ا ور ،دعا کي خاطر ہاتھ اُٹھا دينا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ميرے پيارے رب سے کہنا،رحم ہماري ماں پر کر دے
جيسے اس نے بچپن ميں ہم کمزوروں پر رحم کيا تھا
بھول نہ جانا،ميرے بچو
جب تک مجھ ميں جان تھي باقي
خون رگوں ميں دوڑ رہا تھا
دل سينے ميں دھڑک رہا تÚ