pamamahayag ng kalayaan ng pilipinas....

mga kababayan, muli po nating sariwain o gunitain ang araw ng pamamahayag ng kalayaan ng pilipinas.. balik tanaw lang po tayo, nabasa ko lang po ulit ngayon..
.
.
Ang Pamamahayag ng Kalayaan ng Pilipinas ay ginanap noong Hunyo 12, 1898, kung saan ipinahayag ng mga Pilipinong manghihimagsik sa pamumuno ni Heneral Emilio Aguinaldo (na naging Unang Pangulo ng Pilipinas) ang soberanya at kalayaan ng Pilipinas mula sa Espanya matapos matalo ang mga ito sa labanan sa Look ng Maynila sa Digmaang Espanyol-Amerikano.
.
Ang pamamahayag ay hindi kinilala ng Estados Unidos at Espanya. Pagpapatunay ito nang ilipat ng pamahalaan ng Espanya ang Pilipinas sa Estados Unidos sa Kasunduan sa Paris, para sa halaga ng mga salaping nawala sa digmaan.
.
Kinilala lamang ng Estados Unidos ang kalayaan ng Pilipinas noong Hulyo 4, 1946.
.
Ipinagdiwang ang Araw ng Kalayaan noong Hulyo 4, ngunit dahil sa nasyonalismo at sa payo ng mga dalumhasa ng kasaysayan ng bansa, ang Batas Republika Blg. 4166 ay nilagdaan ni Pangulong Diosdado Macapagal noong 1964, na naglipat ng Araw ng Kalayaan mula sa Hulyo 4 sa Hunyo 12.
.
Bandang ika-lima ng hapon ng Hunyo 12, 1898, ipinahayag ni Don Emilio Aguinaldo, sa harap ng nakararaming sambayanang Pilipino ang Kalayaan ng Pilipinas sa Kawit, Kabite dating Cavite el Viejo. Sa una ring pagkakataon ang unang watawat ng Pilipinas na ginawa sa Hong Kong ni Gng. Marcela Marino Y Agoncillo, (kung saan naging katulong nito sa paggawa ng watawat sina Lorenza Agoncillo at Delfina Herboza) ay siyang iwinagayway ng Ginoong Emilio Aguinaldo sa araw ng pamamahayag ng Kalayaan ng Pilipinas.
.
.
kayo po ba, mayroon po bang magagandang bagay na maari ninyong maipahayag dito patungkol sa araw kalayaan??
.
mabuhay!! mabuhay ang bansang pilipinas...